Украіна 21-ы дзень абараняе сваю тэрыторыю. ОНЛАЙН

Сёння тры тыдні як Расея распачала ваенныя дзеянні супраць Украіны. Шмат гарадоў знішчана, колькасць ахвяраў сярод мірных жыхароў расце кожны дзень.

Бамбаванне Украіны не спыняецца часам нават для «зялёных калідораў». Сенат ЗША патрабуе правесці расследаванне ў дачыненні да прэзідэнта РФ Уладзіміра Пуціна і яго рэжыму.

Храналагічна
22:10

На сёння мы завяршаем тэкставы онлайн 21-га дня супрацьстаяння ваеннай агрэсіі Расеі ва Украіне. Беражыце сябе!

22:04

Ірына Вэрэшчук падвяла вынікі «гуманітарных калідораў» гэтага дня.

22:01

У Канадзе арыштавалі грузавы расейскі самалёт. Яго перададуць для патрэбаў украінскай арміі – для дастаўкі абаронных грузаў з ЗША і Канады.

Самалёт Ан-124 «Руслан», які належыць расейскай грузавой авіякампаніі «Волга-Днепр». Фота: focus.ua
21:58

Суд у Томску аштрафаваў мясцовага жыхара на 45 тысяч расейскіх рублёў за «маўклівую падтрымку» пікету. Мужчына прызнаны вінаватым паводле адміністратыўнага артыкулу аб дыскрэдытацыі расейскіх вайскоўцаў.

У пастанове суда ўказана, што жыхар Томску быў у складзе групы грамадзянаў побач з месцам правядзення групавога пікету і выказваў «маўклівую падтрымку» яго «супрацьпраўным мэтам».

21:56

Прэзідэнт ЗША Джо Байдэн заявіў, што лічыць Пуціна ваенным злачынцам.

20:21

Ваенная дапамога ЗША Украіне:

  • 800 зенітных сістэм Stinger;
  • 2000 Javelin, 1000 адзінак лёгкай супрацьбранявой зброі і 6000 супрацьбранявых сістэм AT-4;
  • 100 тактычных беспілотных лятальных сістэм;
  • 100 гранатамётаў, 5000 вінтовак, 1000 пісталетаў, 400 кулямётаў і 400 стрэльбаў;
  • больш за 20 млн патронаў стралковай зброі і гранатамётаў і мінамётаў;
  • 25 000 камплектаў бронекамізэлек і 25 000 шлемаў.
20:18

Кіеў працягвае абараняцца і падвяргаецца нападам ворага. Каментар мэра Клічко:

19:34

Сёння растралялі калону жыхароў Марыупалю. Ёсць ахвяры і параненыя.

18:39

Украіна і Расея распрацоўваюць план нейтралітэту, каб спыніць вайну.

17:49

Міжнародны суд ААН пастанавіў, што Расея павінна спыніць вайну ва Украіне

16:13

Як паведамляе «Українська правда», за апошні тыдзень два мабільныя тэлефоны Кадырава ні разу не падключаліся ў роўмінгу да ўкраінскіх вышак сувязі.

Калі Кадыраў заявіў, што ён пад Кіевам у Гастомэлі, яго тэлефон быў засвечаны ў Грозным.

15:53

Зяленскі паказаў відэа пра наступствы расейскай агрэсіі ва Украіне на сваім выступе ў Кангрэсе ЗША.

15:32

Расейскія вайскоўцы абрабавалі Чарнобыль.

Аляксандр Сырата, кіраўнік Грамадскай рады пры Дзяржаўным агенцтве Украіны ў справе кіравання зонай адчужэння, на сваёй старонцы ў Facebook піша:

«Навіны з Чарнобылю. Акупанты людзей не чапаюць, але абрабавалі ўсе офісы прадпрыемстваў, размешчаных у горадзе. Сістэмныя блокі, аргтэхніка, спецадзенне вывозяцца цэнтралізавана. Таксама знішчаны пакінуты на тэрыторыі прадпрыемстваў транспарт. У Чарнобылі няма святла. Усяго ў горадзе засталося каля 300 чалавек».

Фота: postfix.org.ru
15:00

Камітэт міністраў Рады Еўропы вырашыў выключыць Расею з арганізацыі.

Кіраўнік жа міжнароднага камітэту Дзярждумы Слуцкі заявіў, што Расея «будзе вымушаная» прызнаць несапраўднай Еўрапейскую канвенцыю правоў чалавека.

14:41

У Чарнігаве расейскія войскі абстралялі людзей, якія стаялі ў чарзе, каб набыць хлеб. Загінулі не менш за дзесяць чалавек.

14:24

Відэаблогер патлумачыў на пальцах, чаму сюжэт прапаганды пра расейскі завод для зборкі беспілотнікаў – фальшыўка.

14:11

Кіраўнік МЗС Расеі Сяргей Лаўроў заявіў, што «большасць краінаў свету падтрымліваюць Расею, але не могуць супрацьстаяць ціску ЗША».

Таксама ў інтэрв’ю РБК ён кажа, што «ёсць пэўная надзея на кампраміс у перамовах Украіны і Расеі».

13:55

Святлана Ціханоўская заклікала Еўразвяз дапамагчы беларускім добраахвотнікам, якія ваююць на баку Украіны, а таксама падтрымаць беларускіх уцекачоў.

Гэта адбылося 15 сакавіка ў межах перамоваў ў Швейцарыі з пастаяннымі прадстаўнікамі шэрагу краінаў ЕЗ пры ААН.

13:35

Кожны дзень ва Украіне а 9-й раніцы будзе агульнанацыянальная хвіліна маўчання.

Уладзімір Зяленскі:

«Мы актывізуем працу для прыцягнення акупантаў да адказнасці. Мусіць адбыцца міжнародны трыбунал. За ўсё, што яны зрабілі супраць Украіны. Супраць нашага народу. За кожны тэрарыстычны акт расейскіх войскаў на тэрыторыі нашай дзяржавы».

13:17

Міжнародная шахматная федэрацыя (FIDE) адхіляе Беларусь і Расею ад удзелу ў турнірах пад афіцыйнымі дзяржаўнымі сцягамі.

12:53

Ад сёння «Белгазпрамбанк» уводзіць ліміты на зняцце валюты з картак.

Цяперашні ліміт на зняцце наяўных у касах і банкаматах «Белгазпрамбанку» – 100 долараў на суткі і 500 долараў на месяц на адну картку.

Будынак, у якім месціцца галоўны офіс «Белгазпрамбанку». Менск, Беларусь. 7 лютага 2021 года. Фота: АВ / Белсат
12:33

Генпракурор Украіны Ірына Вэнэдзіктава: «Акупанты забіваюць не менш чым 5 нашых дзяцей штодня».

З пачатку вайны ва Украіне загінулі 103 дзіцяці. Больш за 100 атрымалі раненні.

12:18

Расейскія захопнікі выкралі 6 асобаў, якія заставаліся ў будынку Бучанскай гарадской рады і да апошняга дапамагалі жыхарам. Сярод зняволеных – працаўнікі гарадскога выканкаму і валанцёры.

12:02

Раніцай 16 сакавіка расейцы абстралялі ракетамі Вінніцу, у выніку была пашкоджаная тэлевежа, ахвяраў няма.

11:43

90 % украінцаў праз вайну могуць сутыкнуцца з беднасцю.

Да такіх папярэдніх высноваў прыйшлі эксперты ААН. Яны адзначаюць, што калі вайна ва Украіне зацягнецца, то краіна можа страціць сацыяльна-эканамічныя дасягненні за 18 гадоў.

11:22

Падрабязнасці ранішняга абстрэлу Запарожжа.

Са словаў сакратара гарадской рады Анатолія Курцева, ніхто не пацярпеў, пашкоджаная кантактная сетка ў эпіцэнтры выбуху. Ударная хваля вынесла шкло ў шматкватэрных дамах побач.

11:06

Швейцарыя далучылася да еўрапейскіх санкцыяў супраць Беларусі.

10:56

Сёння ноччу ў Запарожжа з Марыупалю прыбылі 1247 машынаў. Гэта больш за 3000 асобаў.

Усе яны скарысталі гуманітарны калідор. Бежанцам дапамагаюць псіхолагі і сацыяльныя службы. Таксама іх забяспечылі харчамі, адзеннем і жытлом.

10:40

Расея перакідвае цяжкую вайсковую тэхніку з акупаванай Паўднёвай Асеціі на вайну ва Украіне.

Відэа: t.me/worldprotest

10:21

Міністры абароны краінаў NATO, а таксама Фінляндыі, Швецыі, Грузіі, Украіны і Еўразвязу праводзяць сёння пазачарговую сустрэчу.

Мэта – «абмеркаваць уварванне Расеі ва Украіну і доўгатэрміновыя наступствы гэтага для NATO».

10:11

Ірына Вэрэшчук распавяла, як будуць працаваць гуманітарныя калідоры 16 сакавіка.

09:49

Узламаныя сайты расейскіх арбітражных судоў.

Хакер у сваім паведамленні заклікае да імпічменту Пуціну, а таксама тлумачыць, што вайна ва Украіне і эканамічны заняпад Расеі – віна расейцаў. Сам хакер, хутчэй за ўсё, грамадзянін Расеі, бо ён піша: «Як я вас ненавіджу, «дарагія» суайчыннікі».

09:32

Міністэрства абароны апублікавала апошнія звесткі пра страты ворага.

09:22

Раніцай 16 сакавіка ў выніку варожых абстрэлаў у Кіеве ў Шаўчэнкаўскім раёне абрынуўся 12-павярховы жылы дом.

Кіеў, Украіна. 16 сакавіка 2022 года. Фота: www.pravda.com.ua
09:12

Карта баявых дзеянняў на 16 сакавіка. Дадзеныя Генштабу ЗСУ.

Крыніца: https://t.me/insiderUKR

08:43

$ 300 млрд сродкаў ЦБ РФ на рахунках за межамі Расеі зарэзерваваныя для Украіны.

Пра гэта падчас тэлемарафону заявіў дарадца прэзідэнта Алег Усценка, перадае «Укрінформ».

08:30

У Адэскай вобласці вораг спрабуе выявіць украінскую сістэму СПА, паведаміў спікер Аператыўнага штабу абласной ваеннай адміністрацыі Сяргей Братчук.

Паводле ягоных словаў, ноччу расейцы абстрэльвалі тэрыторыю рэгіёну, аднак украінскія абаронцы спрацавалі як належыць.

Падпісвайся на telegram Белсату

Hавiны