На Нямізе ўжо некалькі дзён з раніцы да вечара людзі стаяць у чарзе да Свята-Духаў кафедральнага сабора. 10 лютага туды прывезлі каўчэг з часціцай Пояса Прасвятой Багародзіцы і часціцамі мошчаў яе бацькоў – праведных Іаакіма і Ганны. Святыня ў Менску да 15 лютага.
У апошні дзень знаходжання пояса ў саборы чарга да яго расцягнулася да Нямігі, 3, гэта значыць прыкладна на 500 метраў, паведамляе Onliner. Людзі распавядаюць парталу, што, хоць і холадна, стаяць у чарзе гадзінамі.
«Надышоў цяжкі час, і я прыйшла па дапамогу», – кажа адна з жанчын.
Паводле царкоўнага падання, Дзева Марыя сама спляла Пояс з вярблюджай воўны. Вернікі лічаць, што святыня дае дапамогу Прасвятой Багародзіцы і можа вылечваць.
«Першы час Рыза і Пояс перадаваліся з пакалення ў пакаленне спадчыннікамі двух іерусалімскіх удавіц, якія атрымалі святыню з рук святога Апостала Тамаша», – распавядае партал Беларускай Праваслаўнай Царквы.
У IV рэліквія была перавезена ў Канстанцінопаль.
«Пасля святыня была падзелена на часткі, адна з якіх сёння беражліва захоўваецца ў ватапедскім манастыры на Святой Гары Афон. Пастаянна знаходзячыся ў мясціны, святыня толькі на кароткі перыяд пакідае яго для наведвання грэчаскіх гарадоў. Аднак у 2011 годзе з гэтага правіла было зроблена выключэнне: святыня была прынесена ў мноства гарадоў Расеі, дзе ёй пакланіліся каля трох мільёнаў вернікаў», – адзначае БПЦ.
Таксама ў 2011 годзе да 200-годдзя Казанскага кафедральнага сабора часціца пояса была перададзена на вечнае захоўванне ў Санкт-Пецярбург. Гэтая частка цяпер прывезена ў Менск.
Арсен Рудэнка belsat.eu