Сярод буйных гарадоў краіны за год найбольшы рост сярэдняй цаны за «квадрат» назіраўся ў Мазыры, піша Realt. Там скачок коштаў на другасным рынку склаў 17 %, ці $ 79 за 1 м².
Цэны на жыллё ў Беларусі мяняюцца даволі часта. Прычым як у меншы бок, так і ў большы.
Напрыклад, за апошні месяц кватэры ў Берасці патаннелі на 0, 1 %. А ў Віцебску жыллё прыбавіла ў кошце 1,2 %. Дарэчы, за год – на 12,6 %.
Лічбы ў Гомлі і вобласці наступныя: за месяц кватэры ў абласным цэнтры падаражэлі на 1, 9 %. За год – на 5,9 %. А ў Магілёве за апошні месяц кватэры патаннелі на 1, 1 %.
У Менску сітуацыя наступная: за тыдзень прапанова выстаўленых на продаж кватэр у сталіцы знізілася на 12 %, а цана за «квадрат» вырасла на 0,4 %.
Ася Саковіч belsat.eu