Рэдакцыя сайту «Беларускі партызан» 14 верасня атрымала ад Міністэрства інфармацыі афіцыйнае паведамленне аб блакаванні на тэрыторыі Беларусі.
З загаду, які падпісаў першы намеснік міністра інфармацыі Андрэй Кунцэвіч, вынікае, што прычына блакавання – тры спасылкі на рэсурсы тэлеканалу «Белсат», прызнанага Чыгуначным судом Гомля «экстрэмісцкім» 27 ліпеня 2021 года.
«Беларускі партызан» быў заснаваны ў 2005 годзе журналістам Паўлам Шараметам. У 2018 годзе сайт атрымаў прэмію «Свабодная прэса Усходняй Еўропы» за свае журналісцкія расследаванні.
Рэсурс заблакавалі 13 верасня. Першы раз «Беларускі партызан» быў заблакаваны ў 2017 годзе: тады не даступны стаў адрас belaruspartisan.org, а сайт пераехаў на іншы дамен, belaruspartisan.by. «Беларускі партызан» цяпер дасяжны з-за мяжы і праз VPN.
Таксама 13 верасня перасталі адкрывацца сайты магілёўскага выдання 6tv.by і агрэгатару Freesmi.by.
У спісе «экстрэмісцкіх» выданняў поруч з «Белсатам» цяпер TUT.by і Zerkalo.io, беларуская рэдакцыя Tribuna.com, сеткавае выданне «Чай з малінавым варэннем» і амаль дзве сотні каналаў і чатаў у Telegram.
АА belsat.eu