Расейскія войскі дазволілі выехаць з Марыупалю ў Запарожжа першай калоне мірных жыхароў.
Людзі 13 дзён фактычна былі заблакаваны ў горадзе, у якім адбывалася гуманітарная катастрофа: з-за пастаянных абстрэлаў Марыупаля расейскімі вайскоўцамі туды не маглі даставіць ваду, прадукты харчавання і медыкаменты. З гораду таксама было немагчыма выехаць, хоць падчас перамоў украінскі і расейскі бакі дамовіліся пра «гуманітарныя калідоры».
У мясцовай гарадской радзе паведамілі, што 14 сакавіка з Марыупаля па «гуманітарным калідоры» у бок Бердзянску на Запарожжа змагла выехаць калона з 160 прыватных аўтамабіляў.
Паводле афіцыйных дадзеных, у выніку блакады Марыупаля расейскімі войскамі ў горадзе загінулі 2187 мірных жыхароў.
АД belsat.eu