Актывісты Рабочага руху спынілі на беларуска-літоўскай мяжы дзве фуры з прадукцыяй заводу «Горадня Азот». Гэтае прадпрыемства застаецца пад санкцыямі ЕЗ. Грузавікі вярнулі на кантрольны пункт для дадатковай праверкі, паведамляе Беларускі расследавальніцкі цэнтр.
Беларусы правялі акцыю на пункце пропуску «Райгардас – Прывалка». Яны заблакавалі дзве фуры, якія везлі ў Літву ўгнаенні прадпрыемства «Горадня Азот», якое застаецца пад санкцыямі Еўразвязу.
Кіроўцы абедзвюх машын пацвердзілі, што атрымалі груз на гэтым заводзе, і запэўнілі, што не ведалі пра забарону на завоз прадукцыі на тэрыторыю ЕЗ.
На месца блакавання фураў прыбылі супрацоўнікі паліцыі, памежнай службы і мытні. У выніку мытнікі пастанавілі вярнуць груз на пункт кантролю для новай праверкі.
Пасля гэтага прадстаўнікі Рабочага руху і Беларускага расследавальніцкага цэнтру перадалі ўладам дакументальныя доказы абыходу санкцыяў і спынілі акцыю.
Прадпрыемства «Горадня Азот» трапіла пад санкцыі ЕЗ, Вялікай Бытаніі, ЗША і Канады ў снежні 2021 года.
Сяргей Крот belsat.eu
