Дзярждэпартамент перавыдаў рэкамендацыі па паездках у Беларусь для грамадзянаў ЗША. У новай рэдакцыі за нашай краінай захаваныя чацвёрты ўзровень небяспекі і рэкамендацыя – «не наведваць».
Свае перасцярогі Дзярждэпартамент ЗША тлумачыць адвольным прымяненнем законаў у Беларусі, рызыкай затрымання. Нашая краіна таксама называецца небяспечнай праз нарошчванне на нашай тэрыторыі расейскіх узброеных сілаў, а таксама праз рызыку закрыцця межаў з суседнімі краінамі.
Грамадзянам ЗША, якія на дадзены момант знаходзяцца ў Беларусі, рэкамендуецца выехаць з краіны.
Дзяржслужачыя ЗША пакінулі Беларусь яшчэ 28 лютага 2022 года, тады ж праца амбасады ў Менску была прыпыненая.
Марыя Міхалевіч belsat.eu