Блогер Андрэй Павук распавёў «Белсату», што аднавіў доступ да свайго YouTube-канала. «Як мне паведамілі, гэта быў не ГУБАЗіК, не КДБ, а такія структуры, якія крадуць каналы, каб потым паказваць на іх стрымы для крыптабіржаў», – сказаў Павук.
Google вярнуў Андрэю Павуку доступ да ягонага YouTube-канала. «Белсату» блогер сказаў, што беларускія спецслужбы дачынення да гэтага інцыдэнту не маюць:
«Як мне паведамілі, гэта быў не ГУБАЗіК, не КДБ, а такія структуры, якія крадуць каналы, каб потым паказваць на іх стрымы для крыптабіржаў. Потым яны справаздачацца за зроблены стрым (на маім канале яго паглядзелі каля 4 тысячаў асобаў) і атрымліваюць грошы».
Раней стала вядома, што ў Андрэя Павука скралі ягоны канал на YouTube, старонку перайменавалі з «Рудабельскай паказухі» у «Ripple Live». Блогер адзначыў, што ад узлому не выратавала нават двухфактарная аўтэнтыфікацыя. Павук мяркуе, што з крадзяжом звязаны фішынгавы ліст, які ён атрымаў колькі тыдняў таму.
У сваім канале блогер публікуе ў тым ліку запісы размоваў з беларускімі чыноўнікамі.
Сяргей Крот belsat.eu