Урад перанёс тэрміны пачатку аплаты грамадзянамі, якія не занятыя ў эканоміцы, цеплазабеспячэння і газазабеспячэння па поўнай кампенсацыі. Паводле пастановы Саўміну, поўную кампенсацыю ўвядуць з 1 траўня наступнага году.
Раней прадугледжвалася, што ўжо з 1 траўня бягучага года «дармаеды» павінныя аплочваць па поўным тарыфе ацяпленне і газазабеспячэнне пры наяўнасці газавых ацяпляльных прыбораў. Але гэтыя тэрміны перанеслі на год.
Першапачаткова ўрад планаваў, што не заняты ў эканоміцы грамадзяне мусяць аплочваць поўныя тарыфы з 1 кастрычніка 2019 года. Кошты ў выніку маглі вырасці ажно ў пяць разоў. Аднак летась тэрмін перанеслі на 1 траўня бягучага года. Цяпер дату перасунулі на 1 траўня 2021 года.
З мінулага года «дармаеды» аплочваюць па поўным кошце гарачае водазабеспячэнне.
СК belsat.eu