Выбары прэзідэнта Францыі: у другі тур выходзяць Эманюэль Макрон і Марын Ле Пэн
У Францыі 10 красавіка прайшоў першы тур прэзідэнцкіх выбараў, якія вызначаць, хто будзе кіраваць краінай наступныя пяць гадоў.
Пасля заканчэння галасавання стала вядома, што ў другі тур прэзідэнцкіх выбараў у Францыі выходзяць дзейны кіраўнік дзяржавы Эманюэль Макрон і лідар ультраправага «Нацыянальнага аб’яднання» Марын Ле Пэн.
Паводле дадзеных першых экзітполаў, Макрон набраў 28,1 % галасоў у першым туры галасавання, а ягоная суперніца Ле Пэн – 23,3 %. На трэцім месцы – кандыдат ад левых Жан-Люк Мэляншон з 20,1 %.
Другі тур мае прайсці 24 красавіка.
Паводле вынікаў апытанняў грамадскай думкі, фаварыт гэтых выбараў – дзейны прэзідэнт Эманюэль Макрон, аднак ягоны рэйтынг нашмат меншы, чым на мінулых выбарах у 2017 годзе.
Пяць гадоў таму 53-гадовая Марын Ле Пэн заняла другое месца на прэзідэнцкіх выбарах. Цяпер яна зноў стала галоўным канкурэнтам Макрону.
АД belsat.eu
