Міліцыя выкарыстала зброю, каб спыніць расейскі вайсковы джып пад Рэчыцай. Пра гэта паведамляе «Флагшток».
Паводле выдання, 9 красавіка на шашы М10 (Гомель – Рэчыца) УАЗ зялёнага колеру без рэгістрацыйных нумароў і з пазнакай расейскіх агрэсараў у выглядзе літары «V» быў прымусова спынены з дапамогаю стрэлаў з боку беларускай міліцыі – у джыпа было прабітае кола.
Прычына выкарыстання зброі супраць расейскага джыпа застаецца невядомай.
Гэта ўжо не першы выпадак канфлікту паміж беларускімі міліцыянтамі і расейскімі вайскоўцамі. Гэтак, 3 красавіка быў апублікаваны відэазапіс, на якім беларускія сілавікі затрымалі п’яных расейскіх жаўнераў, якія былі ў кабіне цяжкавіка КАМАЗ са знакам «V».
Затрыманне вайскоўцаў РФ адбылося ў Рэчыцы.
ПС belsat.eu