Беларускі рок-музыка Піт Паўлаў праводзіць збор на дроны для палка Каліноўскага і ў другую гадавіну існавання баявой адзінкі добраахвотнікаў ва Украіне заклікае падтрымаць яго, піша «Радыё Рацыя».
«Хлопцы ўвесь час чакаюць дроны, бо гэта расходнік, яны ўвесь час патрэбныя. Зараз менавіта такая вайна, што дроны больш за ўсё патрэбныя. Я назваў сваю акцыю «Дроны – вочы вайны», – адзначае Піт Паўлаў.
Як піша выданне, за першыя паўгода Піту Паўлаву ўдалося сабраць 12 тысячаў долараў, якія былі перададзеныя палку Каліноўскага на набыццё дронаў.
Падтрымаць ініцыятыву і дапамагчы ваярам палка Каліноўскага можна па спасылцы.
Нагадваем, што пры пераводзе ахвяраванняў неабходна выконваць захады бяспекі: не пераводзьце грошы з беларускіх картак, бо гэта можа стаць прычынай для затрымання.
РШ belsat.eu
