Віктар Малішэўскі, вядомы беларускі журналіст і блогер, перастаў выходзіць на сувязь ранкам 10 лютага. Ягоны сын таксама. Паведамлялася, што ў кватэры супрацоўнікі Дэпартаменту фінансавых расследаванняў.
Цяпер Віктар Малішэўскі на волі, паведамляе Euroradio.
Раней «Белсат» звязаўся з жонкай Віктара Галінай Малішэўскай. Жанчына адказала, што яна «не дома, шукае спосабу выехаць» і паклала слухаўку.
Суседка Галіны і Віктара Малішэўскіх распавяла Euroradio, што раніцай 10 лютага ёй у дамафон патэлефанавалі чацвёра мужчынаў у масках. Яны назваліся міліцыяй і, калі яна адкрыла дзверы, прайшлі ў кватэру медыяменеджараў на трэці паверх.
Цяпер у кватэры застаўся толькі сабака — «госці» з’ехалі і, мяркуючы з усяго, забралі Віктара Малішэўскага.
Сям’я Малішэўскіх — вядомыя беларускія медыяменеджары. Віктар Малішэўскі быў галоўным рэдактарам Euroradio і часопісу Office.Life, вёў популярны блог «Антыжурналіст». Апошні час працаваў у Альфа-Банку.
Ягоныя калегі забілі трывогу, калі раніцаю ён не з’явіўся на працы.
Галіна Малішэўская ўзначальвала рэдакцыю беларускай «Камсамольскай праўды».
АД, belsat.eu