Чарговыя арышты, рэакцыя на санкцыі, падрабязнасці захопу самалёту «Ryanair». Галоўнае за 8 снежня
Палітычны крызіс у Беларусі працягваецца 485 дзён. Грамадства патрабуе адстаўкі Лукашэнкі, пакарання вінаватым у гвалце і фальсіфікацыях, але ўлады адказваюць на гэта тэрорам. «Белсат» падводзіць вынікі чарговага дня супрацьстаяння.
Захоп самалёту «Ryanair» кантралявалі працаўнікі КДБ
Падчас міграцыйнага крызісу на беларуска-польскай мяжы спецслужбоўцы Польшчы прынялі ўцекача з Беларусі, які працаваў авіядыспетчарам у менскім аэрапорце. Менавіта ён і распавёў пра падрабязнасці з захопам самалёту «Ryanair», на якім ляцелі Раман Пратасевіч і Сафія Сапега, піша выданне «New York Times».
Арышты і пераслед
У Менску затрымалі галоўнага рэдактара выдання «Ежедневник» Сяргея Сацука. Падставай для арышту стала старая справа аб атрыманні хабару, паведамляе БАЖ.
На працягу дня 8 снежня сілавікі затрымалі і іншых актывістаў у шматлікіх гарадах краіны. У Беларусі ні на дзень не спыняюцца палітычныя затрыманні і суды.
Палітзняволеная Марфа Рабкова ў ліставанні паведамляе, што не можа атрымаць медычнай дапамогі. Таксама яе лісты не выходзяць з-за кратаў, калі ў іх яна ўзгадвае пра абвінавачванне, піша праваабарончы цэнтр «Вясна».
На фуры з Польшчы паставяць «жучкі»
Савет міністраў Беларусі 6 снежня прыняў змены ў пастанову «Аб ужыванні навігацыйных прыладаў (пломбаў)». Дакумент апублікавалі 8 снежня, ён набыў моц. Цяпер навігацыйныя пломбы абавязалі ставіць на фуры не толькі з Літвы, але і з Польшчы. Цана пломбы складае 10 базавых велічыняў.
Анджэй Пачобут стаў польскім журналістам года
Гарадзенскі журналіст, карэспандэнт «Gazeta Wyborcza» Анджэй Пачобут быў уганараваны званнем «Журналіст года – 2021» польскай прэміі «Grand Press».
Сацсеткі жартуюць пра контрсанкцыі Беларусі
«Белсат» сабраў рэакцыю беларускіх сацсетак і блогераў на ўведзеную ўладамі забарону заходніх харчовых тавараў.
АК belsat.eu
