Самая вядомая беларуская тэнісістка Вікторыя Азаранка распавяла, што вымушаная прапусціць турнір у Таронта, бо не атрымала візы. Пра гэта яна паведаміла ў Twitter.
Азаранка адзначыла, што яна вельмі расчараваная:
«На жаль, мне давядзецца зняцца з турніру ў Таронта, бо маю заяву на атрыманне канадскай візы не ўхвалілі. Вельмі сумна прапускаць адзін з маіх улюбёных турніраў. Я люблю гуляць у Канадзе – там цудоўныя заўзятары, там у мяне шмат сяброў».
Як паведамляе AFP, асацыяцыя «Tennis Canada» пацвердзіла, што ў Азаранкі ўзніклі праблемы з візай. Але там падкрэслілі, што гэта звязана з тэрмінамі афармлення дакументаў, а не з тым, што Вікторыя мае беларускае грамадзянства. Асацыяцыя дадала, што зрабіла ўсё магчымае, каб пытанне развязалася станоўча.
Глеб Нержын belsat.eu