Беларуская чыгунка падвысіць тарыфы на перавозкі ў межах краіны ў сярэднім на 5-15%. Кошты вырастуць з 13 жніўня.
Фактычнае павелічэнне кошту праезду па канкрэтным маршруце залежыць ад адлегласці перавозкі, адзначаюць у прэс-службе чыгункі.
Кошт праезду пасажыраў цягнікамі рэгіянальных лініяў бізнес-класа і міжрэгіянальных лініяў бізнес-класа ў сярэднім павялічыцца на 5%.
Праезд у цягніках міжрэгіянальных лініяў эканомкласа, а таксама правоз багажу і грузабагажу падаражэе ў сярэднім на 15%.
Пры праездзе цягнікамі рэгіянальных лініяў эканамкласа неабходна будзе заплаціць у сярэднім на 10% больш.
Мінулы раз тарыфы на перавозку пасажыраў чыгуначным транспартам агульнага карыстання павышаліся ў снежні 2020 года.
ІІ belsat.eu