Міністэрства юстыцыі Літвы надало юрыдычнае прызнанне праваслаўнай супольнасці Канстанцінопальскага Патрыярхату. Пра гэта паведаміў прэс-прадстаўнік міністра юстыцыі Паўлюс Жэйміс, піша DELFI.
Праваслаўную царкву Літвы Канстанцінопальскага патрыярхату зарэгістравалі як традыцыйную дэнамінацыю.
Прызнанне Экзархату дазволіць ёй атрымаць фінансавую падтрымку дзяржавы, якая размяркоўваецца сярод традыцыйных рэлігійных суполак.
У Літоўскі экзархат Канстанцінопальскага патрыярхату ўваходзяць дзесяць святароў, у тым ліку два беларускія – Георгій Рой і Аляксандр Кухта, і дзесяць мясцовых праваслаўных прыходаў. Узначальвае яе іераманах Юстын Ківілаа з Эстоніі.
Стварэнне структураў Канстанцінопальскага патрыярхату ў Літве стала адказам на выгнанне з мясцовай мітраполіі РПЦ святароў, якія выступілі супраць расейскага ўварвання ва Украіну.
Якуб Хруст belsat.eu