Прэзідэнт Украіны Уладзімір Зяленскі паведаміў, што ўкраінскія вайскоўцы вызвалілі ад расейскіх захопнікаў з пачатку поўнамаштабнай вайны ўжо 1060 населеных пунктаў Украіны. Яны маюць патрэбу ў аднаўленні.
«У агульнай колькасці ўжо вызвалены 1060 населеных пунктаў. Абсалютная большасць з іх мае патрэбу ў значных аднаўленчых работах, размініраванні, будаўніцтве сацыяльных аб’ектаў», – сказаў прэзідэнт.
Паводле яго слоў, зараз важна рэалізацыя плана хуткага аднаўлення «Fast Recovery plan», каб даць людзям на вызваленай ад ворага тэрыторыі ўмовы для нармальнага жыцця.
«Адно з найбольш адказных напрамкаў на жнівень і верасень – гэта рэалізацыя нашага Fast recovery plan – тое, што неабходна зрабіць на вызваленай ад ворага тэрыторыі, каб даць людзям умовы для нармальнага жыцця і падрыхтавацца да асенне-зімовага сезону», – сказаў Зяленскі.
Таксама Уладзімір Зяленскі падзякаваў замежным партнёрам, якія далучыліся да такіх работ. У прыватнасці, на гэтым тыдні дэлегацыя Эстоніі наведала раёны Жытомірскай вобласці, якой дапамагае з аднаўленнем.
У мінулым месяцы, 18 ліпеня, прэзідэнт Украіны паведамляў, што вызвалены 1028 населеных пунктаў, яшчэ 2621 на той момант заставаліся акупаванымі.
Алена Рувіна belsat.eu