Урад Латвіі прыняў рашэнне не аднаўляць з 11 лютага працу пункту пропуску «Сілэнэ», што на беларуска-латвійскай мяжы.
На сайце ўраду Латвіі тлумачыцца, што адпаведнае рашэнне было прынятае, каб перадухіліць магчымую пагрозу ўнутраныя бяспекі.
«Вайну супраць Украіны, якую распачала Расея і адкрыта падтрымлівае Беларусь, можна расцэньваць як дадатковы фактар рызыкі і магчымую матывацыю для працягу намаганняў Беларусі па дэстабілізацыі сітуацыі на мяжы краіны з Латвіяй», – гаворыцца ў паведамленні.
Пры гэтым Латвія не будзе працягваць узмоцнены рэжым працы памежнікаў, бо за апошні месяц фіксавалася мінімальная колькасць спробаў нелегальна перайсці мяжу.
Нагадаем, Латвія закрыла пункт пропуску «Сілэнэ» на мяжы з Беларуссю 19 верасня 2023 году. Закрыццё пераходу было звязанае з абвастрэннем міграцыйнага крызісу: летась фіксаваўся рэзкі рост спробаў незаконна перасекчы латвійскую мяжу (у жніўні – 1615 выпадкаў, у верасні – 1773).
Глеб Нержын belsat.eu