Лік ахвяраў землятрусу ў Турцыі вырас да 2921, у Сірыі – да 1444. Пацярпелых у абедзвюх краінах – каля 19 500. Уначы ў Турцыі адбыліся новыя падземныя штуршкі, піша агенцтва «Reuters».
2921 асоба загінула ў Турцыі пасля моцнага землятрусу, што адбыўся ў панядзелак, паведамілі ўлады. Пацярпелых – амаль 16 тыс.
У краіне трывае выратавальная аперацыя, з-пад завалаў жывымі дасталі амаль 8 тыс. чалавек. Уначы тэмпература ў пацярпелых раёнах апусцілася амаль да нуля, што пагоршыла ўмовы для людзей, якія апынуліся пад абломкамі або засталіся без даху над галавой.
Мінулай ноччу ў цэнтральнай частцы Турцыі зафіксаваны яшчэ адзін землятрус. Яго магнітуда была 5,6.
У Сірыі ў выніку бедства загінулі 1444 асобы, каля 3500 атрымалі раненні – гэта звесткі ўладаў, а таксама ратавальнікаў у рэгіёнах, якіх не кантралюе Дамаск.
Сяргей Крот belsat.eu
