7 студзеня на старонцы Міністэрства замежных справаў Польшчы ў Twitter з’явіўся відэаролік, дзе распавядаецца пра прыгнёт беларускай мовы рэжымам Аляксандра Лукашэнкі.
«Беларускія ўлады змагаюцца з уласнай нацыянальнай мовай, каб здушыць нацыянальную годнасць. Рэжым Аляксандра Лукашэнкі рэпрэсуе выдаўцоў і творцаў, якія карыстаюцца беларускай мовай», – гаворыцца ў допісе МЗС.
У кароткім відэароліку на тэму беларускай мовы выказваюцца прадстаўніца Абʼяднанага пераходнага кабінету ў справе нацыянальнага адраджэння Аліна Коўшык, кіраўнік Цэнтру беларускай салідарнасці Уладзіслаў Кобец і выдавец Андрэй Янушкевіч.
У канцы зʼяўляецца надпіс на англійскай мове: «Барацьба за свабодную Беларусь працягваецца. Памятай! Падтрымлівай!»
Глеб Нержын belsat.eu