Лукашэнка прызначыў новых намеснікаў міністраў і пашырыў абавязкі беларускіх амбасадараў
У Палацы Незалежнасці 6 снежня Аляксандр Лукашэнка правёў кадравы дзень, паведамляе БелТА.
Ён прызначыў новых кандыдатаў на пасады намеснікаў міністраў і кіраўнікоў у рэгіёны.
Згодна з указаннем Лукашэнкі былі прызначаны новыя намеснікі міністраў у Міністэрстве аховы здароўя, Мінлясгасе, Мінпрацы і Мінюсце.
На пасаду першага намесніка міністра аховы здароўя ўзгоднена Алена Краткова, якая да гэтага яна ўзначальвала Гарадзенскі дзяржаўны медыцынскі ўніверсітэт.
Пасаду першага намесніка міністра лясной гаспадаркі зойме Аляксандр Драгун. Раней – начальнік упраўлення аналізу і кантролю за аховай і выкарыстаннем аб’ектаў жывёльнага і расліннага свету Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.
Марына Арцёменка ўзгоднена на пасаду намесніка міністра працы і сацыяльнай абароны, узначальвала ўпраўленне народанасельніцтва, гендарнай і сямейнай палітыкі Міністэрства працы і сацыяльнай абароны.
На пасаду першага намесніка міністра юстыцыі ўзгоднена Наталля Філіпава, раней працавала на пасадзе намесніка міністра юстыцыі.
Таксама прызначаны новыя кіраўнікі выканкамаў у розных рэгіёнах Беларусі, ўзгоднены пасады дырэктара Дэпартамента дзяржаўнай інспекцыі працы Міністэрства працы і сацыяльнай абароны, дырэктара Дэпартамент па прадпрымальніцтве Міністэрства эканомікі і намесніка старшыні Дзяржаўнага камітэта па стандартызацыі.
Акрамя таго, Лукашэнка прызначыў беларускіх дыпламатаў пасламі па сумяшчальніцтве ў чатырох краінах.
Андрэй Молчан, пасол Беларусі ў Венесуэле, зараз таксама будзе па сумяшчальніцтве прадстаўляць інтарэсы краіны ў Балівіі.
Амбасадар Беларусі ў Рэспубліцы Куба Валерый Бараноўскі прызначаны амбасадарам у Дамініканскай Рэспубліцы па сумяшчальніцтве.
Пасол Беларусі ў Бразіліі Сяргей Лукашэвіч будзе прадстаўляць інтарэсы краіны яшчэ ў дзвюх іншых дзяржавах – Рэспубліцы Парагвай і Усходняй Рэспубліцы Уругвай.
Падчас паседжання Лукашэнка заявіў, што ў студзені звернецца са штогадовым Пасланнем да беларускага народа і парламента.
АД, belsat.eu
