Суддзя Сяргей Хрыпач агучыў прысуд у справе Марфы Рабковай, Андрэя Чапюка і яшчэ васьмі палітвязняў. Агулам на ўсіх – 94 гады пазбаўлення волі, паведамляе Праваабарончы цэнтр «Вясна».
Актывістам, якіх судзілі разам з Марфай, далі наступныя тэрміны:
Судовы працэс у «справе «Рэвалюцыйнага дзеяння» пачаўся 25 красавіка ў Менскім гарадскім судзе адраз наду дзесяццю палітычнымі вязнямі. Іх абвінавацілі паводле 10 артыкулаў Крымінальнага кодэксу, у тым ліку ў стварэнні экстрэмісцкага фармавання, арганізацыі масавых закалотаў і ўдзеле ў іх. СК ахарактарызаваў вязняў як «арганізатараў і кіраўнікоў шэрагу арганізаваных злачынных групаў, што мелі аўтаномныя ячэйкі ў рэгіёнах Беларусі са сваймі лідарамі». У справе – 160 тамоў. Суд у першы ж дзень зрабілі закрытым.
Марфе Рабковай 27 гадоў, яна праваабаронца, каардынатарка валанцёрскай службы Праваабарончага цэнтру «Вясна». Была затрыманая 17 верасня 2020 года. Амаль два гады ўтрымліваецца ў СІЗА № 1 у Менску. Прызнаная беларускімі праваабаронцамі палітзняволенай.
Марыя Міхалевіч belsat.eu