Дзяржаўны сакратар ЗША Энтані Блінкен пракаментаваў вынесеныя прысуды Марыі Калеснікавай і Максіму Знаку. Прадстаўнік Дзярждэпу заклікаў вызваліць усіх палітвязняў.
У заяве дзяржсакратара ЗША Энтані Блінкена адзначаецца, што ЗША асуджаюць «палітычна матываваныя абвінавачванні і ганебныя прысуды» Марыі Калеснікавай і Максіму Знаку.
«На жаль, гэтыя прысуды з’яўляюцца чарговым сведчаннем таго, што рэжым цалкам парушае правы чалавека і фундаментальныя свабоды беларускага народу. Калеснікава і Знак заслугоўвалі празрыстага рашэння суда па выстаўленых ім сфальшаваных абвінавачваннях, але яны яго не атрымалі», – гаворыцца ў заяве.
ЗША заклікаюць беларускія ўлады спыніць рэпрэсіі супраць беларускага народу і неадкладна вызваліць усіх палітвязняў.
Раней на прысуд Калеснікавай і Знаку адрэагавалі ў Бруселі, Берліне, Лондане.
СК belsat.eu
