Пра тое, што Паўночная Македонія перадала самалёты і танкі Украіне, медыі паведамілі на гэтым тыдні. 6 жніўня інфармацыю пра пастаўкі зброі пацвердзіў дарадца Офісу прэзідэнта Украіны Міхайла Падаляк.
«Сябар спазнаецца ў бядзе. Усё роўна, якога памеру твая краіна ці аб’ём ВУП, важна, якое ў цябе сэрца. Многія народы сёння праяўляюць больш мужнасці, чым палова G20. Як Паўночная Македонія, падставіўшы Украіне плячо ў выглядзе танкаў і самалётаў. Мы ніколі гэтага не забудзем», – напісаў Падаляк у Twitter.
Медыі раней паведамлялі, што Паўночная Македонія перадала Украіне 4 штурмавіка Су-25. Гаворка ідзе пра самалёты савецкай вытворчасці, якія Македонія ў 2001 годзе сама закупіла ў Украіны. З 2003 году яны не выкарыстоўваліся і знаходзіліся на захоўванні.
Таксама Македонія перадала Украіне савецкія танкі Т-72, якія планавала здымаць з узбраення ў бліжэйшыя годы. Дакладная колькасць гэтых машынаў невядомая, але ўсяго ў македонскай арміі быў 31 танк мадэлі Т-72.
Глеб Нержын belsat.eu
