Улады Нямеччыны разглядаюць магчымасці спрасціць працэдуры атрымання візаў для працаўнікоў лічбавай індустрыі з Беларусі і Расеі. Цяпер на рынку працы гэтай краіны не хапае каля 100 тысячаў ІТ-адмыслоўцаў, піша DW.com.
Нямецкая асацыяцыя лічбавай індустрыі «Bitkom» прапанавала ўраду Нямеччыны вырашыць кадравы голад у сферы. Цяпер на рынку працы не хапае каля 100 тысячаў праграмістаў. Менавіта таму адмыслоўцы прапаноўваюць урадоўцам знізіць патрабаванні да ведання працаўнікамі мовы і паскорыць працэдуру выдачы працоўных візаў.
«Мы прэзентавалі адмысловую праграму пад назвай #greencard22, якая, у прыватнасці, прапануе на працягу аднаго тыдня выдаваць від на жыхарства і дазвол на працу спецыялістам, якія ўжо маюць канкрэтную прапанову аб рабоце», – кажа Адэль Холдампф-Вендэль з кампаніі «Bitkom».
Пакуль прадстаўнікі рынку вядуць перамовы з палітыкамі і спадзяюцца на станоўчае вырашэнне пытанняў.
Алена Аляксандрава belsat.eu