Намеснік дырэктара Дэпартаменту інфармацыі МЗС РФ Аляксей Зайцаў зрабіў заяву адносна магчымасці ўжывання ўладамі РФ ядравай зброі. Чыноўнік паведаміў, што выкарыстанне ядравай зброі падчас вайны ва Украіне немагчымае і ёсць спробай «эскалацыі міжнароднага становішча», паведамляе агенцтва «РИА Новости».
Паводле Зайцава, Расея нібыта цвёрда прытрымліваецца прынцыпаў, згодна з якімі, «у ядравай вайне не можа быць пераможцаў, і яна не павінна быць развязаная».
«Сцэнары магчымага ўжывання намі ядравай зброі дакладна прапісаныя ў расейскіх дактрынальных дакументах. Яны не дастасавальныя да рэалізацыі задачаў, пастаўленых у хадзе спецыяльнай ваеннай аперацыі ва Украіне», – адзначыў Аляксей Зайцаў.
ЗХ belsat.eu