Намеснік дырэктара Дэпартаменту інфармацыі МЗС РФ Аляксей Зайцаў зрабіў заяву адносна магчымасці ўжывання ўладамі РФ ядравай зброі. Чыноўнік паведаміў, што выкарыстанне ядравай зброі падчас вайны ва Украіне немагчымае і ёсць спробай «эскалацыі міжнароднага становішча», паведамляе агенцтва «РИА Новости».
Здымак мае ілюстрацыйны характар.
Фота: Sputnik
Паводле Зайцава, Расея нібыта цвёрда прытрымліваецца прынцыпаў, згодна з якімі, «у ядравай вайне не можа быць пераможцаў, і яна не павінна быць развязаная».
«Сцэнары магчымага ўжывання намі ядравай зброі дакладна прапісаныя ў расейскіх дактрынальных дакументах. Яны не дастасавальныя да рэалізацыі задачаў, пастаўленых у хадзе спецыяльнай ваеннай аперацыі ва Украіне», – адзначыў Аляксей Зайцаў.
- Нагадаем, што Уладзімір Пуцін пасля ўварвання войскаў РФ ва Украіну 27 лютага загадаў прывесці сілы стратэгічнага стрымлівання ў адмысловы рэжым нясення баявога дзяжурства. Гаворка ў тым ліку пра стратэгічнае ядравае ўзбраенне.
- 22 сакавіка прэс-сакратар Крамля Дзмітрый Пяскоў нагадаў амерыканскім журналістам пра канцэпцыю нацыянальнай бяспекі Расеі, якая дапускае ўжыванне ядравай зброі, калі дзяржава акажацца пад пагрозай існавання.
- 26 красавіка кіраўнік МЗС РФ Сяргей Лаўроў адзначыў, што Захад вядзе вайну супраць Расеі і ў свеце павялічыліся рызыкі ядравай вайны.
Аналітыка
Што такое атамная бомба і як пазбегчы ядравай вайны?
2022.03.19 23:04
ЗХ belsat.eu
