Беларускія і расейскія паралімпійцы будуць удзельнічаць на Паралімпійскіх гульнях пад нейтральным сцягам
Міжнародны паралімпійскі камітэт дазволіў удзельнічаць беларускім і расейскім паралімпійскім спартоўцам у нейтральным статусе падчас Паралімпіяды ў Парыжы. Аб гэтым гаворыцца на сайце камітэту.
Гэта значыць, што паралімпійцы з Беларусі і Расеі будуць выступаць пад нейтральным сцягам, а ўзнагароды, якія яны заваююць, не будуць улічвацца ў агульным медалёвым заліку.
Пры гэтым, адзначаецца ў паведамленні Міжнароднага паралімпійскага камітэту, спартоўцам трэба будзе прайсці незалежную праверку наконт падтрымання вайны ва Украіне і таго, ці не былі яны нанятыя на вайсковую службу.
Нагадаем, што ў снежні 2023 года Міжнародны алімпійскі камітэт таксама дапусціў беларускіх і расейскіх спартоўцаў да Алімпійскіх гульняў 2024 года ў Парыжы ў нейтральным статусе.
Раман Шавель belsat.eu
