Нямецка-швейцарская праваабарончая арганізацыя «Libereco» апублікавала падлікі аб 1000 дзён палітычных рэпрэсіяў у Беларусі – з выбараў 9 жніўня 2020 года – і заклікала расследаваць злачынствы супраць беларусаў на адмысловым трыбунале.
«Рэпрэсіі рэжыму Лукашэнкі супраць уласнага насельніцтва цяпер на рэкордным узроўні. Таму «Libereco» зноў заклікае ганаровых консулаў Беларусі ў Нямеччыне і Швейцарыі неадкладна падаць у адстаўку. Злачынствы супраць чалавечнасці, учыненыя ў Беларусі, павінны быць прадстаўленыя перад адмысловым трыбуналам».
Паводле падлікаў беларускага праваабарончага цэнтру «Вясна», на якія спасылаецца «Libereco», за 1000 дзён, што мінулі з 9 жніўня 2020 года:
«Ужо 1000 дзён мы назіраем злачынствы супраць чалавечнасці ў выглядзе захопу закладнікаў і катаванняў тысячаў нявінных людзей рэжымам Лукашэнкі, які можа заставацца ва ўладзе толькі з ласкі Пуціна. Еўрапейскія дэмакратыі не павінны больш трываць гэтага і павінны нарэшце прыняць рашучыя захады супраць Лукашэнкі і ягонай банды. Дзеля гэтага міжнародная супольнасць павінна стварыць адмысловы трыбунал, каб прыцягнуць Лукашэнку і ўсіх ягоных памагатых і падбухторнікаў да адказнасці за іхныя злачынствы. Як чалец Рады Бяспекі ААН, Швейцарыя павінна ўзняць пытанне аб жахлівай сітуацыі з правамі чалавека ў Беларусі», – заявіў дырэктар швейцарскага аддзялення «Libereco» Лярс Бюнгер.
Праваабаронцы асобна згадалі, што з сярэдзіны лютага нічога не чуваць пра палітвязня Міколу Статкевіча, палітвязень Віктар Бабарыка трапіў у шпіталь пасля меркаванага збіцця, а палітвязень Раман Пратасевіч нядаўна быў асуджаны на 8 гадоў калоніі.
Алесь Наваборскі belsat.eu