Пра развітанне з памерлым паведаміла праўладная грамадская арганізацыя «Системная правозащита».
Эміля Чэчку знайшлі павешаным 17 сакавіка, месцам яго пахавання прызнана ў Вілейскім раёне Менскай вобласці. Дырэктар «Системной правозащиты» Дзмітрый Белякоў паведаміў «Зеркало», што родныя вайскоўца не выйшлі на сувязь.
Праверка па факце смерці Эміля Чэчкі працягваецца, дадаў Белякоў:
«Наша пазіцыя якой была, такой і засталася: мы лічым, што гэта гвалтоўная смерць. Вынікі праверкі трэба глядзець у Следчым камітэце. Будзем далей спрабаваць звязвацца з польскай амбасадай».
Эміль Чэчка праходзіў вайсковую службу ў Польшчы і знік без вестак падчас выканання сваіх абавязкаў у раёне паселішчаў Нараўка, Семяноўка і Семяноўскага возера. Пачаўся пошук вайскоўца, а пазней высветлілася, што ён перайшоў мяжу і ўцёк у Беларусь.
Паводле інфармацыі беларускага боку, жаўнер уцёк у Беларусь 16 снежня. Ён папрасіў палітычнага прытулку. Некаторы час быў госцем прапагандысцкіх эфіраў на беларускім тэлебачанні.
17 сакавіка Следчы камітэт Беларусі паведаміў, што ў Менску выявілі жаўнера павешаным.
МГМ, belsat.eu
