У ДТЗ з аўтобусам у Італіі загінуў 21 чалавек, піша «la Repubblica». Аўтакатастрофа адбылася ў Венецыі. Турыстычны аўтобус упаў з мосту і загарэўся.
«Апакаліптычная сцэна, няма словаў», – напісаў пра здарэнне мэр Венецыі. Людзі, якія былі ў салоне, прасілі аб дапамозе і не змаглі выбрацца.
Аўтобус упаў з мосту каля чыгуначнага вакзалу, праляцеўшы каля 15 метраў. Ён зачапіў кантактны провад і загарэўся.
У выніку ДТЗ загінуў 21 чалавек, у тым ліку 5 украінцаў. Таксама сярод ахвяраў – грамадзяне Нямеччыны і Францыі.
Пацярпелі 15 чалавек, 5 з іх – у цяжкім стане.
Прычыны аварыі яшчэ высвятляюцца. Асноўная версія – кіроўцу, які таксама загінуў, зрабілася блага. Слядоў тармажэння на асфальце не знайшлі.
«Візуальнае ўражанне такое, што перад намі трагедыя маладзёнаў», – сказаў прадстаўнік ратавальнай службы на месцы здарэння, адзначыўшы, што сярод ахвяраў было толькі некалькі асобаў у гадах.
Сяргей Крот belsat.eu
