Няшчасны выпадак адбыўся падчас «выканання мерапрыемстваў баявой падрыхтоўкі», паведамілі ў Міністэрстве абароны.
«Падчас выканання мерапрыемстваў баявой падрыхтоўкі вайсковец тэрміновай службы аднаго з механізаваных падраздзяленняў атрымаў агнястрэльную траўму», – паведамляе ведамства.
Вайсковец застаўся жывы, яму аказалі медычную дапамогу. Імя салдата, абставіны і месца здарэння не называюцца.
Цяпер Міністэрства абароны праводзіць праверку інцыдэнту.
У мінулым месяцы здарыўся падобны выпадак, але тады вайсковец ад агнястрэльнага ранення загінуў.
Алена Рувіна belsat.eu