Польскія візавыя цэнтры змяняюць правілы верыфікацыі для беларусаў. Цяпер для рэгістрацыі неабходна мець арыгінал пашпарта і ўключаную камеру, паведамляецца на сайце VFS Global.
Пацвярджаць асобу трэба будзе онлайн – асабіста і з уласным дакументам у руках.
«Кожнаму заяўніку неабходна будзе рэгістравацца індывідуальна, за выключэннем выпадкаў рэгістрацыі сям’і. У выпадку групавой рэгістрацыі членаў сям’і верыфікацыю дастаткова прайсці аднаму паўналетняму члену групы», – гаворыцца ў новых правілах.
Падчас асабістага наведвання візавага цэнтру па «сямейнай» рэгістрацыі трэба будзе ўзяць з сабой дакументы, якія пацвярджаюць сваяцтва.
Мяркуецца, што новыя меры дапамогуць знізіць нагрузку на сайт візавага цэнтру і абараніць яго ад рэгістрацыі праз ботаў.
Ася Саковіч belsat.eu
