Пасля вызвалення Кіеўскай вобласці Збройныя сілы Украіны ўзялі пад кантроль украінскую мяжу ў Сумскай вобласці, паведаміў прадстаўнік Адэскай вайсковай адміністрацыі Сяргей Братчук.
«Дзяржаўная мяжа Украіны ў Сумскай вобласці пад кантролем ЗСУ!» – напісаў Братчук.
Увечары 2 красавіка стала вядома, што Кіеўская вобласць цалкам вызвалена ад расейскіх вайскоўцаў, у тым ліку Чарнобыльская АЭС. Цяпер працягваецца адступленне расейскага войска пад Чарнігавам. Таксама ўкраінскія вайскоўцы перайшлі ў контрнаступ у Харкаўскай і Херсонскай вобласцях.
АД belsat.eu