65-гадовы мужчына і ягоны 38-гадовы сын аказалі актыўны супраціў міліцыянтам. Інцыдэнт адбыўся 3 лютага на прыватным падворку ў Чырвонай Слабадзе, паведамляе прэсавая служба МУС.
Міліцыянты ўвечары 3 лютага наведаліся на прыватны падворак у Чырвонай Слабадзе. Паводле МУС, сілавікі даведаліся, што ў доме 65-гадовага гаспадара можа быць ягоны 38-гадовы сын, які застаецца ў рэспубліканскім вышуку паводле абвінавачання ў крымінальнай справе.
Падчас спробы затрымання бацька заступіўся за сына і ўдарыў аднаго з міліцыянтаў прыкладам паляўнічай стрэльбы ды тройчы стрэліў. На шчасце, абышлося без раненняў.
Бацьку і сына затрымалі, супраць іх распачалі крымінальную справу за гвалт у дачыненні працаўнікоў органаў унутраных справаў. Падазраваным пагражае да сямі гадоў пазбаўлення волі.
СВ belsat.eu
