Паслявыбарчыя пратэсты ў Беларусі не спыняюцца, людзі працягваюць барацьбу з рэжымам, але і павялічваецца колькасць прысудаў у палітычных справах. «Белсат» падводзіць вынікі 180-га дня пратэстаў.
Лідаркі беларускай апазіцыі Святлана Ціханоўская, Марыя Калеснікава і Вераніка Цапкала трапілі ў лік намінантаў на Нобэлеўскую прэмію міру 2021 за сваю барацьбу за сумленныя выбары ў Беларусі, піша «Newsweek».
Як паведамляе выданне, тры жанчыны былі намінаваныя за «барацьбу за справядлівыя выбары і за стварэнне мірнай апазіцыі» супраць беларускага «лідара» Аляксандра Лукашэнкі.
Таксама на Нобэлеўскую прэмію міру 2021 намінавалі расейскага апазіцыйнага палітыка Аляксея Навальнага, які цяпер у турме.
На паседжанні прысутнічалі шасцёра абвінавачваных, якія заключылі дасудовыя пагадненні аб супрацы. Былога кіраўніка «Белгазпрамбанку» Віктара Бабарыкі сярод іх не было. Ён адзіны з падвіноўных, хто не вызнае сябе вінаватым.
Суд над Віктарам Бабарыкам пачнецца 17 лютага. Ён павінен быць адкрытым.
Таксама журналістаў незалежных СМІ другі раз не пусцілі на суд экс-кіраўніка магілёўскага філіялу «Белгазпрамбанку». З раніцы ў раскладзе суда Кастрычніцкага раёну Магілёва адсутнічала судовае паседжанне Сяргея Кармызава. Як толькі яно з’явілася, журналісты накіраваліся ў залу, але яна ўжо была занятая. Каля 10 чалавек сядзелі ў зале за 40 хвілінаў да пачатку паседжання.
Міліцыянт забараніў журналістам уваходзіць у залу на падставе эпідэмічнай сітуацыі.
Ліст Кубракоў накіраваў у Дзяржаўны сакратарыят Савету бяспекі. Міністр просіць разабрацца з судамі Менскай вобласці, якія караюць пратэстоўцаў найчасцей штрафамі. Гэтак, менскія суды 1 лістапада адправілі на содні 66 затрыманых, а аштрафавалі ўсяго 5. У той жа час у вобласці – 83 штрафы і толькі адзін арышт, адзначае кіраўнік МУС.
«Гэткая практыка, на думку ГУУС Менскага гарвыканкаму, вядзе да фармавання пачуцця беспакаранасці і не спрыяе зніжэнню пратэставай актыўнасці», – мяркуе Кубракоў.
Аднак у МУС парталу Onliner.by адказалі, што апублікаваны «ByPol» дакумент – фэйк.
Гэта самая папулярная петыцыя на платформе «Зручны горад» за ўсю гісторыю рэсурсу.
А ў офісе кампаніі «ГРЫНрозніца» ў бізнес-цэнтры «Дэльта» на Ціміразева 72, якая прэзентуе гіпермаркеты «Green», з ранку працуюць праваахоўныя органы. Хто гэта і ў якой справе, невядома. Афіцыйных каментароў на гэты конт пакуль няма.
Беларускія праваабарончыя арганізацыі прызналі палітычнымі вязнямі яшчэ двух беларусаў – Стэфана Лазовіка і Віктара Лосіка. Праваабаронцы напісалі супольную заяву з патрабаваннем неадкладна іх вызваліць.
Стэфана Лазовіка асудзілі паводле ч. 1 арт. 339 КК РБ («Хуліганства») і прысудзілі да аднаго года пазбаўлення волі. Такое ж абвінавачанне выставілі і Віктару Лосіку. Яго таксама падазраюць паводле арт. 341 КК («Апаганьванне будынкаў і псаванне маёмасці»).
На гэты момант палітвязнямі ў краіне прызнаныя 226 асобаў.
Сёння суд Савецкага раёна Менску разглядзеў адміністратыўныя справы работнікаў крамы Анастасіі Трафімчык і Вольгі Ігнатовіч. Суддзя Марына Фёдарава прызнала дзяўчат вінаватымі ў непадпарадкаванні і пакарала 15 соднямі арышту. Пратакол паводле арт. 23.34 КаАП суд адправіў на дапрацоўванне.
3 лютага стала вядома, што намеснік дырэктара Мікіта Броўка і бухгалтарка Ксенія Міклашэўская атрымалі па 20 содняў арышту паводле арт. 17.1 («Дробнае хуліганства») і арт. 23.4 («Непадпарадкаванне») КаАП. Справы паводле арт. 23.34 КаАП за пікетаванне яшчэ павінны разгледзець.
АД, belsat.eu