Віцебская абласная станцыя пералівання крыві прыпыніла выплаты донарам крыві і яе кампанентаў праз адсутнасці фінансавання. Кампенсацыю не выдаюць з 29 лістапада.
«У нас часова няма фінансавання. Калі зараз нехта здае кроў, пакуль не атрымлівае кампенсацыю, але гэта будзе выплачана, як толькі [грошы] будуць з’яўляцца. Гэта проста здаць у доўг, як кажуць», – распавялі на станцыі, перадае Zerkalo.
Усе кампенсацыі донарам, якія здавалі кроў на адплатнай аснове, павінны пачаць выплачваць у снежні. На станцыі чакаюць аднаўлення фінансавання 6-га ці 15-га чысла. Але невядома, ці хопіць грошай на ўсіх.
«Мы спадзяемся, вядома, але гарантыі няма», – сказалі на станцыі.
Нагадаем, што станам на жнівень з пачатку года беларускі бок зарабіў на экспарце плазмы крыві крыху больш за мільён долараў. Асноўныя пакупнікі – гэта Расея і Украіна.
Для параўнання, за ўвесь мінулы год аб’ёмы продажаў плазмы крыві склалі 686 тыс. долараў, а ў 2019-м – больш за 1,3 млн. долараў (адзін з лотаў у 2,4 тоны сышоў за 1,08 млн долараў).
МГ belsat.eu
