Раніцай 3 жніўня падчас разгрузачных работаў у шахце на горнаўзбагачальным камбінаце ў Петрыкаўскім раёне загінулі два рабочыя – мужчыны 1988 і 1994 гадоў нараджэння, паведаміў Следчы камітэт.
Петрыкаўскі горнаўзбагачальны камбінат.
Фота: Shahta.by
Паводле страйкаму «Беларуськалію», трагедыя адбылася з рабочымі кампаніі «Трэст Шахтспецбуд» – партнёра «Беларуськалію».
Каля 4-й ці 5-й гадзіны раніцы, сцвярджае страйкам, машына прыціснула мужчынаў, ад гэтага яны памерлі. Паводле звестак Zerkalo.io, мужчынаў заціснула між праходніцкім камбайнам і дастаўкавай самаходнай машынай на пнеўмаколавым шасі.
Са спасылкай на відавочцаў страйкоўцы пішуць, што на машыне не было тармазоў, а рабочых прымушаюць парушаць тэхніку бяспекі.
АА belsat.eu
