TUT.BY: журналістаў незалежных беларускіх медыяў не пусцяць на папярэдняе паседжанне па справе «Белгазпрамбанку»
03.02.202120:06
Папярэдняе паседжанне па справе «Белгазпрамбанку», што прызначылі на заўтра, адбудзецца без прадстаўнікоў беларускіх недзяржаўных СМІ. Пра гэта паведамляе TUT.BY.
Вярхоўны суд на сваім сайце анансаваў захады ў сувязі з эпідэміялагічнай сітуацыяй. У прыватнасці, гаворка ідзе пра абмежаванне месцаў. Нібыта праз гэта на паседжанне не пусцяць журналістаў БелаПАН, газетаў «Белорусы и рынок» і беларускай «Комсомольской правды», а таксама Onliner.by. «Медыязона» дадае, што адмову атрымаў і часопіс «Office Life».
Затое патрапіць на суд здолеюць прадстаўнікі расейскіх СМІ: агенцтвы РИА «Новости», ТАСС, а таксама Sputnik у Беларусі.
Сёння стала вядома, што ўжо заўтра, 4 лютага, адбудзеццца папярэдняе паседжанне па справе «Белгазпрамбанку». На ім будуць прысутнічаць не ўсе абвінавачаныя, а толькі тыя шасцёра, якія заключылі дасудовую дамову аб супрацы. Віктара Бабарыкі сярод іх няма.
ЯП, belsat.eu
