Падчас разгляду кадравых пытанняў Аляксандр Лукашэнка прызначыў на пасаду пасла Беларусі ў РФ Дзмітрыя Крутога. Раней у Маскве на гэтай пасадзе працаваў Уладзімір Сямашка. Стала вядома, што ён проста пайшоў у адстаўку.
72-гадовага Уладзіміра Сямашку адправілі ў адстаўку. Адпаведны ўказ апублікавалі на Нацыянальным прававым інтэрнэт-партале. Ва ўказе Лукашэнкі пазначаецца, што ў адпаведнасці з артыкулам Канстытуцыі Сямашка вызваляецца ад пасады паслаў РФ у сувязі з выхадам у адстаўку.
У Беларусі Уладзімір Сямашка быў міністрам энергетыкі, першым намеснікам прэм’ер міністра Беларусі, у кабінеце міністраў Андрэя Кабякова – віцэ-прэм’ерам. На пасадзе пасла Рэспублікі Беларусь у Расейскай Федэрацыі ён працуе з лістапада 2018 года.
У пачатку года медыі паведамілі, што ў Расеі Сямашку шпіталізавалі праз праблемы са здароўем. У яго быў сардэчны прыступ і кровазліццё ў левае вока.
Алена Аляксандрава belsat.eu
