Пракуратура Горадні падала ў суд пазоў аб ліквідацыі ТАА «Гораднялайфмедыя» – уласніка медыя-рэсурсу «Hrodna.life».
Працэс аб ліквідацыі таварыства пачнецца 11 жніўня ў Эканамічным судзе Гарадзенскай вобласці.
Нагадаем, што 9 ліпеня ў судзе Ленінскага раёну Горадні прайшло пасяджэнне суда, у выніку якога тэлеграм-канал «Hrodna.life» прызналі экстрэмісцкім. На думку пракуратуры, у тэлеграм-канале «Hrodna.life» былі апублікаваныя паведамленні, «накіраваныя на распальванне іншай сацыяльнай варожасці ці розні», заклікі да гвалту ў адносінах прадстаўнікоў пэўных прафесіяў.
За апошні год рэдакцыя рэгіянальнага медыя прайшла праз арышты, ператрусы і сумарна атрымала больш як $ 10 тысяч штрафаў за «распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў».
АД, belsat.eu