Аляксандр Лукашэнка ізноў наведвае Аб’яднаныя Арабскія Эміраты. Перадапошні раз ён пабываў там на мінулым тыдні і адтуль паляцеў у Зімбабвэ. Падчас цяперашняга візіту ён сустрэўся з прэзідэнтам ААЭ, піша Telegram-канал «Пул первого».
Аляксандр Лукашэнка прыляцеў у Аб’яднаныя Арабскія Эміраты з чарговым візітам. Сёння яго прымае прэзідэнт краіны Мухамад бін Заід ан-Наг’ян. На сустрэчы прысутнічае старэйшы сын Лукашэнкі Віктар.
Гэта другая паездка Лукашэнкі ў ААЭ за тыдзень. 25 студзеня паведамлялася, што ён прыляцеў у Абу-Дабі і адразу правёў нейкія кароткія перамовы. Што потым рабіў палітык у краіне і з кім сустракаўся, невядома. Афіцыйнай інфармацыі пра гэта не было. Telegram-канал «Пул первого» 28 студзеня апублікаваў відэа, як Лукашэнка выпівае келіх якогасьці напою з нагоды перамогі тэнісісткі Арыны Сабаленкі на Australian Open, а 30 студзеня паведаміў пра ягонае прыбыццё ў Зімбабвэ.
Чытайце па тэме:
- Лукашэнка паляцеў у Эміраты і Зімбабвэ. Што ён там робіць і як часта лётае?
- Сакрэтныя справы Лукашэнкі ў Эміратах і Зімбабвэ
Сяргей Крот belsat.eu
