Часовы павераны ў справах Чэхіі ў Беларусі Петэр Галакса быў выкліканы ў МЗС з-за сітуацыі з высылкай з Прагі кіраўніка Беларускай федэрацыі футболу Уладзіміра Базанава, паведамляе Zerkalo.io.
«Менск выказаў пратэст і запатрабаваў тлумачэнняў ад чэшскага боку», – паведаміў прэс-сакратар МЗС Беларусі Анатоль Глаз.
30 лістапада чэшская паліцыі затрымала старшыню Беларускай федэрацыі футболу Уладзіміра Базанава і ягоную жонку. Афіцыйнай прычынай стала парушэнне каранцінных мераў. 1 снежня Базанавым анулявалі шэнгенскія візы і выдалі прадпісанне выехаць з Чэхіі.
Беларускую федэрацыю футболу абвінавачваюць у парушэнні фундаментальных палажэнняў UEFA і FIFA, выкарыстанні спартовых механізмаў у палітычных мэтах, ціску на суддзяў і футбалістаў праз іх грамадзянскую пазіцыю.
ГГ, belsat.eu