З 4 ліпеня «Белпошта» ўводзіць плату за выдачу і пералік гатоўкі пры выплаце ўваходных міжнародных паштовых грашовых пераводаў у аддзяленнях пошты і з дому.
Плата складзе 15 % ад сумы пераводу.
Аднак адзначаюць, што плата не будзе спаганяцца пры выплаце міжнародных паштовых грашовых пераводаў у выпадку сацыяльна значных негандлёвых плацяжоў. Для гэтага трэба будзе паказаць адпаведны дакумент, які пацвярджае прыналежнасць міжнароднага пераводу да сацыяльна значных негандлёвых плацяжоў (выканаўчы ліст, рашэнне суда, даведка пра налічэнне пенсіі ды інш.).
Алена Рувіна belsat.eu