Мінула некалькі месяцаў, а Максіма Мархалюка, які знік у Белавежскай пушчы, так і не знайшлі. Чаму праваахоўнікі маўчаць?
Нагадаем, што дзесяцігадовы Максім Мархалюк з вёскі Новы Двор Свіслацкага раёну выйшаў з дому 16 верасня 2017 года і не вярнуўся. У лесе недалёка ад ягонай хаты знайшлі ровар хлопчыка і ягоны кошык з грыбамі. У пошуках бралі ўдзел больш за 2000 людзей.
«Хлопцы з Піцера медатам гіпнозу высветлілі, што тут ёсць крымінальны след. Я раней казаў, што Максім або загінуў, або нешта не вельмі харошае з ім здарылася. Гэта не няшчасны выпадак», – сказаў у эфіры праграмы «Гарачы каментар» былы праваахоўнік, праваабаронца, Алег Волчак.
Госць праграмы мяркуе, што «следства штосьці ведае, але хавае».
«Трэба распавесці людзям, што робіць следства і на што робіць упор», – заклікае Волчак.
У кастрычніку 2017 года Следчы камітэт распачаў крымінальную справу па факце знікнення Максіма Мархалюка. Зніклага хлопчыка таксама абвесцілі ў міжнародны вышук.
Больш у відэаматэрыяле!