«Каб любіць Беларусь, нашу мілую маму, трэба ў розных краях пабываць» – заспяваў Лявон Вольскі. Менавіта так і зрабіў арт-менеджар Алесь Чахоўскі. Ён адправіўся ў падарожжа, каб знайсці беларускі вайб і зразумець, у чым сіла і слабасць беларусаў.
Алесь Чахоўскі – арт-менеджар і культурны дыпламат. На сваім YouTube-канале «Алесь Чахоўскі | Беларускі вайб» ён падзяліўся вынікамі падарожжаў па розных краінах. Вандруе ён, каб адчуць беларускі вайб у свеце. Што такое «вайб» – Алесь падрабязна распавёў у нашай праграме.
Вайб – гэта англіцызм, як і «сэлэбрыці» і «інфлюэнсер». Навошта беларусам запазычваць словы, калі беларуская мова такая багатая, спытаецца пурыст? Пра тое самае запытаўся вядоўца Віктар Шукеловіч – і атрымаў разгорнуты адказ.
Таксама Алесь падзяліўся думкамі наконт таго, як вірусны кантэнт, музыка, пераклады фільмаў і кніг робяць беларускую мову «сексі».
Блытаніна – рус. путаница
Стасункі = адносіны
Прывабнасць – рус. привлекательность
Пытаць – рус. спрашивать
Згодна – рус. согласно
Упэўненасць – рус. уверенность
Акалічнасць = абставіны
Менавіта = іменна
Датычна = мае адносіны
Памыляцца – рус. ошибаться
Узмацніць – рус. усилить
Іншаземец = замежнік
Фіча (англ. feature) = рыса
Годны – рус. достойный
Спалучэнне – рус. сочетание
Прага = моцнае жаданне
Добразычлівасць – рус. доброжелательность
Сціпласць – рус. скромность
Рыса – рус. черта
Пераконваць – рус. убеждать
Варты = годны
Трымцець = дрыжаць, трапятацца
Напруга – рус. напряжение
Прылада = інструмент
Распаўсюджаны – рус. распространенный
Адпаведны – рус. соответствующий
Генерацыя = пакаленне
Век = узрост
Адчуванне – рус. ощущение
Кранацца – рус. дотрагиваться
Пачуццё – рус. чувство
Цалкам = поўнасцю
Шчыры – рус. искренний
Асобна – рус. отдельно
Меркаваць = думаць
Распаўсюджваць – рус. распространять
Мэта = цэль, задача
Акурат = якраз
Забаўляльны – рус. развлекательный
Гурт = музычная група
Прасоўваць = папулярызаваць
Інфлюэнсер = уплывовы чалавек, уплывоўца
Заўважаць – рус. замечать
Мастацкі – рус. художественный
Дарэчы – рус. кстати
Пашана = павага
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
На вокладцы выкарыстаны малюнак Дэ Лёса.