Лідар КНДР наведаў Інстытут прыроднай энергіі Акадэміі навук КНДР і новы жылы комплекс, пабудаваны для навукоўцаў. На фатаграфіях відаць, як кіраўнік Паўночнай Карэі пры хадзе абапіраецца на чорны кіёк.
«Ён быў вельмі задаволены, калі агледзеў фасады жылых дамоў і грамадскіх будынкаў, прыгожа аздобленных рознакаляровай керамічнай кафляй», – паведаміла паўночнакарэйскае агенцтва «ЦТАК».
Аднак «AP» зазначае, што так і не зразумела, калі дакладна Кім Чэн Ын наведваў гэтыя аб’екты.
Доўгая адсутнасць кіраўніка КНДР на публічных імпрэзах выклікала чуткі пра яго хваробу. Сярод магчымых захворванняў называлі падагру, дыябет, высокі ціск і атлусценне. Апошні раз лідара КНДР бачылі 3 верасня на канцэрце разам з жонкай.
ДР, belsat.eu