Войскі ВКЛ і Польшчы зноў разграмілі тэўтонцаў. Фотарэпартаж «Белсату» з фэсту «Наш Грунвальд»


Рыцар-рэканструктар праламывае агарожу абарончых збудаванняў Тэутоўнскага ордэну падчас рэканструкцыі Груднвалтдскай бітвы у музейным комплексе "Дудуткі".

Фэст сярэднявечнай культуры «Наш Грунвальд»  адбыўся ў Дудутках на выходных 22-23 ліпеня. Падзеі Грунвальдскай бітвы аднаўлялі больш за паўтысячы аматараў-рэканструктараў. Belsat.eu пабываў у сярэднявечным горадзе, паназіраў за гістарычнай бітвай і падрыхтаваў вялікі фотарэпартаж.

Грунвальдская бітва адбылася 15 ліпеня 1410 года паміж войскамі Тэўтонскага ордэну і саюзным польска-літоўскім войскам. Тэўтонцы былі разгромленыя ўшчэнт, большасць крыжацкіх рыцараў забіта або ўзята ў палон. Перамога ў Грунвальдскай бітве ўзняла літоўска-польскі саюз на вышэйшыя пазіцыі моцы і аўтарытэту ў Еўропе.

Крыжакі з боку Тэўтонскага ордэну рыхтуюцца да пачатку рэканструкцыі Грунвальдскай бітвы на фестывалі «Наш Грунвальд-2017» у музейным комплексе «Дудуткі».
Рыцары-найміты ВКЛ з гарматамі збіраюцца да выхаду на поле бітвы.
Рыцар-рэканструктар у ролі князя Вітаўта перад пачаткам рэканструкцыі «Бітвы пад Грунвальдам» на фестывалі «Наш Грунвальд-2017» у музейным комплексе «Дудуткі».

Польска-літоўскім войскам на полі бою камандаваў Вялікі князь літоўскі Вітаўт. З боку тэўтонцаў яму супрацьстаяў вялікі магістр Тэўтонскага ордэну Ульрых фон Юнгінген, які страціў у бітве жыццё.

Рыцар-рэканструктар у ролі вялікага магістра Тэўтонскага ордэну Ульрыха Фон Юнгінгена (справа) змагаецца з рыцарам злучаных войскаў ВКЛ і Польшчы падчас рэканструкцыі Грунвальдскай бітвы на фэсце «Наш Грунвальд» у музейным комплексе «Дудуткі».
Рыцар Тэўтонскага ордэну чакае атакі злучаных войскаў ВКЛ і Польшчы.
Рэканструктары ў ролі лучнікаў-татараў і іншых лучнікаў, якія змагаліся на баку ВКЛ і Каралеўства Польскага з крыжакамі, абстрэльваюць тэўтонскіх рыцараў у абарончых збудаваннях.
Рыцар-рэканструктар праломвае агароджу абарончых збудаванняў Тэўтонскага ордэну падчас рэканструкцыі Грунвальдскай бітвы ў музейным комплексе «Дудуткі».
Войскі ВКЛ і Польшчы атакуюць войскі Тэўтонскага і Лівонскага ордэнаў падчас рэканструкцыі Грунвальдскай бітвы на міжнародным фестывалі сярэднявечнай культуры і музыкі «Наш Грунвальд -2017».
Прарыў у абарончыя збудаванні Тэўтонскана ордэну з боку войскаў ВКЛ і Рэчы Паспалітай.
Ранены рыцар пасля ўдару алебардай у шлем у вобласць пераносся падчас сутыкнення на фестывалі-рэканструкцыі Грунвальдскай бітвы.
Рэканструктар у ролі Вялікага магістра Ульрыха фон Юнгінгена, забітага падчас Бітвы пад Грунвальдам.

Каля 8 тысячаў тэўтонскіх воінаў былі забітыя ў Грунвальдскай бітве і яшчэ 14 тысячаў былі ўзятыя ў палон. Тэўтонскі ордэн так і не змог аднавіць свае сілы пасля паразы і надоўга сцішыўся ў сваіх ваенных дзеяннях.

Пасля бітвы на фестывалі адбыўся пір пераможцаў. Удзельнікі гулялі ў сярэднявечныя гульні, скакалі на канцэртных пляцоўках, частаваліся стравамі часоў Грунвальда.

Жонка папраўляе сярэднявечнае адзенне свайго мужа перад шпацырам на пір пасля Грунвальдскай бітвы.
Дзяўчына скручвае блін з грыбамі для дэгустацыі на конкурсе на самую лепшую страву на фэсце «Наш Грунвальд 2017. Пір пасля бітвы».
Моладзь водзіць карагоды падчас выступу гурта «Стары Ольса» на канцэрце ў межах фестывалю «Наш Грунвальд-2017».

Глядзець усе фота: 

Фота Вячаслаў Радзіміч, belsat.eu

Глядзі таксама
Каментары