Урачыстая цырымонія прайшла з удзелам самога спевака.
https://www.facebook.com/BELSAT.TV/videos/207360273953230/
На алеі лаўрэатаў адмысловай узнагароды прэзідэнта Рэспублікі Беларусь «Праз мастацтва – да міру і ўзаемапаразумення» 16 ліпеня адкрылася дошка з васільком у гонар Народнага артыста Расеі Філіпа Кіркорава. На ўрачыстай цырымоніі прысутнічаў сам спявак, міністр культуры Беларусі Юрый Бондар і старшыня Віцебскага гарвыканкаму Вадзім Заранкін.
На ўрачыстую цырымонію Філіп Кіркораў прыйшоў са спазненнем. На твары – маска, якую ён падчас імпрэзы часам здымаў, каб журналісты і госці фестывалю змаглі яго разгледзець і сфатаграфаваць.
Упершыню на сцэне Віцебскага амфітэатру Кіркораў выступіў у 1994 годзе, пасля чаго стала ўдзельнічаў у «Славянскім базары». За гэты час спявак даў 6 сольных канцэртаў. Алея лаўрэатаў з’явілася ў Віцебску ў 2009 годзе. Дошка з васільком у гонар Філіпа Кіркорава стала 16 сярод шэрагу іншых.
Віктар Старавойтаў Belsat.eu
