У Нарвегіі паўстае першы ў свеце жаночы спецназ


norwegian_female_unit_jegertroppen_members_photo_credit_fsk_crop

Прычына – удзел краіны ў аперацыях у Афганістане, дзе жанчыны не могуць размаўляць з незнаёмымі мужчынамі.

Нарвежскае спецпадраздзяленне (Forsvarets Spesialkommando, FSK) грала важную ролю ў антытэрарыстычных аперацыях у Афганістане, часта супрацоўнічаючы з амерыканскімі армейскімі камандас з атраду «Дэльта» і камандас ВМС, піша Аляксандр Гелагаеў на старонцы «Нашай Нівы». Аднак заходнія жаўнеры патрапілі ў культуру, дзе жанчынам можна размаўляць толькі з мужчынамі-сваякамі.

Patrol

«Паклікаць на службу жанчын было аператыўнай неабходнасцю», – кажа афіцэр нарвежскіх падраздзяленняў спецпрызначэння Відар Крогсэтэр у інтэрв’ю foreignaffairs.com.

Новае падраздзяленне назвалі Jegertroppen – «Паляўнічы атрад».

norwegian_female_unit_jegertroppen_member_3_photo_credit_fsk_crop3

Каб патрапіць у гэты аддзел, трэба прайсці шэраг вельмі цяжкіх выпрабаванняў, курс контртэрарызму, падрыхтоўкі для гарадскіх баёў, парашутнай падрыхтоўкі, курс выжывання ў розных кліматычных зонах, у тым ліку ў Арктыцы.

arctic

Толькі 13 з 317 кандыдатак прайшлі курс падрыхтоўкі ў 2014 годзе і прыкладна столькі ж – у 2015. Такім чынам, атрад налічвае менш за 30 чалавек, яго стварэнне ўсцяж працягваецца.

norwegian_female_unit_jegertroppen_member_2_photo_credit_fsk_crop4

Нарвегія – першая ў НАТА краіна, якая прыняла закон пра прызыў для ўсіх – як мужчын, гэтак і жанчын.

Абавязковая вайсковая служба для жанчын існуе таксама ў Ізраілі.

ДД, belsat.eu

Глядзі таксама
Каментары